Мектеп тарихы
1975 жылы 1 қыркүйекте Ақши ауылында 640 орындық орта мектеп ашылды, оған В.И.Ленин есімі берілді. Алғашқы мектеп директоры ұлағатты ұстаз Нурманбетов болып қызмет атқарды, оқу ісінің меңгерушісі математика пәніннің мұғалімі, кейінен осы аталған мектептің директоры болып біраз жылдар атқарған Бейсембаев Алпысбай Байғонысұлы болды. Мектеп ауданның алдыңғы қатарлы мектебі жаңашыл, ғылыми-педагогикалық шығармашылығы мол, жылда – жылда 13-15 оқушылар алтын, күміс, үздік аттестаттармен марапатталған білім ордасы болған. Білім нәрімен сусындатқан ұлағатты ұстаздар, білім беру ісінің үздіктері Қожамқулова Орынбасар, Үсенова Жібек, Омарбекова Татьяна Омарбековна, Елубаева Зауреш Кубашевна, Ахметова Райхан Саматовна, Садыкова Бану Садыковна, Қожамкулов Сарсенбай, Аязбаев Жәмішқан, Шеттікбаева Шәкен Саймасайқызығ, Шмидт Татьяна Александровна т.б. ұстаздар. Ленин атындағы орта мектепте аудандық әдістемелік конференциялар, жиындар, семинарлар өтіп, мұғалімдер өз іс тәжирібесімен бөлісіп отырады.
